GEGURITAN

                SETYA TUHU

Pasuryaning candra wengi iki

nyumunari tumapaking uripku

urip kang  tansah akeh pacoban

lir saakehing andaru ing cakrawala

   Ratri kang sepi

   agawe aku eling marang sliramu

   marang tuhuning tresnamu

   kang ngayemne penggalih

   agawe murty martani

Tresna seta lan nirmala

agawe aku kuwat napaki gesang

listyaning tumindakmu

lir semilire bayu

   dik, napa sliramu sampun supe?

   marang sakabehing janji lan tresnamu marang aku

   eluhku wus kesel tumetes

   ana ngendi pranamu dik?

Pengarep-arep mung kari pangarepan

janji mung kari janji

merga sliramu kena goda

napa sampun sirna tresnamu?

napa sampun layu driyamu dik?

   cah ayu ngrtia..

   aku iseh ana kene

   aku iseh ngenteni

   tresnaku jati marang sira

   tresnaku tulus marang sliramu

gek ndang bali dik

ati iki wus kesel

kesel nembang kasengsaran

ngenteni tulusing tresnamu

kang kaya wingi uni

   nadyan marga kang tak tapaki

   datan alus lan lempeng

   aku bakal setya

   nadyan kaya ngenteni tukuling jamur

   ing mangsa ketiga

delengen dik,..

aku iseh ana kene

aku bakal setya ngenteni

nganti pungkasaning yuswa..

 

 

"contoh geguritan kasmaranbakal tak eling esemmu cah ayu" 

Geguritan ciptaan : august_15.th_2011@yahoo.co.id